2026 жылғы қаңтар айында Түркістан облысы бойынша 77 (2025 жылы қантар айы — 69) жол-көлік оқиғасы тіркелді, бұл өткен жылдың кезеңімен сәйкес салыстырғанда 11,6%-ға өскен.
Жол-көлік оқиғалары салдарынан зардап шеккендер саны 26,5%-ға (98-ден 124-ке дейін) өсті, оның ішінде жарақат алғандар саны 25,3%-ға (83-тен 104-ке дейін), ал қаза тапқандар саны 33,3%-ға (15-тен 20-ға дейін) өсті.
Кәмелетке толмағандар арасында жарақат алғандар саны 26 (2025 жылы қантар айы — 19), өсім – 36,8%-ға, қаза тапқандар саны 2 (2025 жылы қантар айы — 1) өсім – 100%-ға.
Жол-көлік оқиғаларының ең көп саны тіркелген Жетісай – 11, Сарыағаш – 10, Сайрам – 8, Арыс – 7, Ордабасы – 6, Келес – 5, Созақ – 5, Түлкібас – 5, Сауран – 4, Түркістан қаласы – 3, Бәйдібек – 3, Кентау қаласы – 2, Қазығұрт – 2, Төлеби – 2, Шардара – 2, Мақтаарал – 1, Отырар – 1 аудандары.
Жол-көлік оқиғаларының басым бөлігі аудандық маңызы бар автомобиль жолдарында және елді мекендер аумағында орын алуда.
Жол-көлік оқиғаларының негізгі себептері – жол қозғалысы қағидаларын сақтамау, белгіленген жылдамдықты арттыру, сондай-ақ жаяу жүргіншілердің жолды белгіленбеген жерден кесіп өтуі, бұл олардың өмірі мен денсаулығына қауіп төндіреді.
Түркістан облысының құрметті тұрғындары, сондай-ақ қонақтар мен туристер, жол қозғалысы қағидаларының талаптарын қатаң сақтап, барынша мұқият болуларыңызды сұраймыз.
Сонымен қатар, ел аумағындағы жол-көлік оқиғалары туралы толық ақпаратпен Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің «https//gis.kgp.kz» порталындағы «Авариялар картасы» бөлімінде танысуға болатынын еске саламыз.
Қазақстан Республикасы
Құқықтық статистика және
арнайы есепке алу жөніндегі
комитетінің Түркістан облысы
бойынша департаментінің бастығы,
аға әділет кеңесшісі
АЙДЫН ТӨРЕБЕКОВ
#Заң_мен_Тәртіп
#Закон_и_Порядок
